PSG nuk ia del të marrë pikët maksimale në fushën e Rennes dhe Lille është shumë afër fitimit të titullit kampion në Francë. 1-1 përfundoi sfida e luajtur sonte, që pa kampionët në fuqi të humbasin dy pikë tepër të rëndësishme.
? Final whistle! Draw between @staderennais and @PSG_English that celebrates @LOSC_EN! #SRFCPSG pic.twitter.com/ydiHS1COjS
— Ligue1 English (@Ligue1_ENG) May 9, 2021
Minuta e pestë shtesë e pjesës së parë solli golin e parë. PSG fitoi një penallti dhe Neymar nuk gaboi nga pika e bardhë, duke kaluar skuadrën e tij në avantazh. Vendasit reaguan dhe ia dolën të rikthejnë baraspeshën në minutën e 70-të.
Sehrou Guirassy realizoi një gol të bukur me kokë, teksa skuadra e Pochettinos e humbi qetësinë në minutën e 87-të. Kimpembe u ndëshkua me karton të kuq dhe takimi u mbyll në barazim 1-1.
Dy javë kanë mbetur për t’u luajtur në Ligue 1, aty ku kryeson Lille me 79 pikë. Tre pikë më pak numëron PSG, ndërsa më pas vjen Monaco me 74 pikë. /abcnews.al
