VIDEO/ Neymar barazon rekordin e Pele, Brazili “tris” Venezuelës! Fiton edhe Kolumbia 

schedule08:00 - 14 Qershor, 2021

schedule 08:00 - 14 Qershor, 2021

Brazili e ka nisur si kampion rrugëtimin në Copa America, pasi ka mposhtur me rezultatin 3-0 Venezuelën që kishte disa mungesa për shkak të infektimit me COVID-19.

Ndeshja është zhbllokuar që në minutën e 24-t, kur Marquinhos nuk fali pasi një situate të krijuar pas një goditjeje këndi. Mbrojtësi, këtë herë jo me kokë, e devijoi topin me këmbë dhe e çoi në rrjetë.

Ky ishte goli i vetëm në pjesën e parë, ndërsa në të dytën Brazili fitoi një penallti. Sulmuesi Neymar e dërgoi topin në rrjetë dhe praktikisht ndeshja ishte mbyllur, pavarësisht se seria e golave jo.

Gabigol shënoi golin e tretë një minutë para fundit të ndeshjes, pas një asisti të Neymar. Ky i fundit ka barazuar rekordin e Pele (47 asiste) me kombëtaren e Brazilit.

Ndeshja tjetër e Copa America ishte ajo mes Kolumbisë dhe Ekuadorit, që përfundoi me rezultatin 1-0. Cardona në minutën e 42-të shënoi golin që i dha pikët e plota Kolumbisë. / abcnews.al