Teuta është zyrtarisht skuadra kampione e Shqipërisë në këtë sezon. Ekipi durrsak mposhti 6-1 Apoloninën në “Niko Dovana”, duke u rikthyer pas 27 viteve te titulli kampion. Hera e dytë në histori që trofeu i madh zbarkon në qytetin bregdetar.
Dejvi Bregu ishte heroi i ekipit të Edi Martinit me një tregolësh, teksa fitorja tenistike u plotësua nga Lorenco Vila, Renato Arapi dhe Sebino Plaku. Pa vlera eurogoli i Redon Mihanës për ekipin fierak, që e mbylli ndeshjen me nëntë lojtarë pas daljeve me të kuq të Repajt dhe Sotës.
Festë në kampin e Teutës dhe lot në “Loro Boriçi”. Vllaznia mposhti 2-0 Laçin falë golave të Herald Markut nga pika e bardhë e penalltisë dhe Haris Dilaver në pjesën e dytë. Sezon shumë i mirë për ekipin shkodran, që humbet titullin për diferencë golash, por mund të fitojë një trofe nëse mposht Skënderbeun në finalen e Kupës së Shqipërisë.
Kastrioti ia doli të triumfojë 1-2 meKukësin dhe tani do të përballet me Tomorin në finalen e “play-off”. Devid dhe Daci realizuan golat e fitores për ekipin krutan. Bylisi i bashkohet Apolonisë në Kategorinë e Parë.
Skuadra ballshiote doli pa pikë nga takimi shtëpiak me Partizanin. “Demat” e Ilir Dajës fituan 2-4 falë golave të Carës, Cardosos, Selitës dhe Malës. Sfida tjetër, Tirana-Skënderbeu përfundoi 3-1 për ekipin kryeqytetas. Taulant Seferi shënoi dy gola për vendasit. /abcnews.al
KATEGORIA SUPERIORE, JAVA E FUNDIT
Kukësi-Kastrioti 1-2
(Ibraimi 88′ / Devid pen. 45′, Daci 87′)
Bylis-Partizani 2-3
(Spahiu 25′, Beji 70′ / Cara 34′, Cardoso 62′, Selita 89′, Mala 90′)
Vllaznia-Laçi 2-0
(Marku pen. 25′, Dilaver 59′)
Teuta-Apolonia 6-1
(Bregu 16′, 49′, L.Vila 27′, 65′, Arapi 77′, Plaku 90+1′ / Mihana 34′)
Tirana-Skënderbeu 3-1
(Seferi 30′, 87′, Gjumsi 41′ / Pusi 44′)
77′ Tjetër gol në Durrës dhe është përsëri Teuta që realizon. Festë edhe për kapitenin Renato Arapi, dhe 5-1 për djemtë e Edi Martinit.
https://streamable.com/vc12nz
62′ Cardoso është autori i golit të dytë të Partizanit. Braziliani u tregua i saktë përballë portierit vendas dhe topi në rrjetë.
https://streamable.com/myc624
65′ Penallti për Teutën, teksa Apolonia mbetet me nëntë lojtarë pas daljes me të kuq të Repajt dhe Sotës. Bregu nuk gaboi nga pika e bardhë, duke gjetur golin e tretë personal.
https://streamable.com/if0add
https://streamable.com/2wpm6m
59′ Vllaznia ndëshkon sërish Laçin. Haris Dilaver shënon për kuqeblutë, të cilët, për momentin, janë një gol larg titullit.
https://streamable.com/q1i6m1
49′ Dejvi Bregu ndodhet në formë të shkëlqyer. Ekzekutim perfekt nga goditja e dënimit, topi në trekëndësh dhe 3-1 për Teutën kryesuese.
45′ Kastrioti shënon në limitet e pjesës së parë. Penallti për ekipin krutan dhe braziliani Devid nuk gabon nga pika e bardhë.
https://streamable.com/t9es3p
41′ Aldo Gjumsi gjen golin e parë në Kategorinë Superiore, duke i dhuruar avantazhin e dyfishtë skuadrës bardheblu.
https://streamable.com/t9es3p
30′ Tirana në avantazh. Gafë e portierit korçar dhe aty përfiton Danso, i cili dhuron një asist për Taulant Seferin. Ky i fundit dërgoi lehtësisht topin në rrjetë.
https://streamable.com/irtd96
34′ Apolonia rihap ndeshje në Durrës. Veprim fantastik i Mihanës, i cili mposht portierin e Teutës me një goditje potente.
https://streamable.com/da1nrl
27′ Teuta gjen edhe golin e dytë. Asist i Aleksit, finalizim i Lorenco Vilës dhe skuadra e Edi Martinit në avantazh të dyfishtë.
https://streamable.com/20djdd
25′ Herald Marku merr përsipër ekzekutimin e penalltisë. Goditje e saktë e mesfushorit, topi në rrjetë dhe Vllaznia në avantazh.
https://streamable.com/4qx2wq
24′ Penallti në “Loro Boriçi”. Kontakt mes Deliut dhe Haris Dilaver, të cilin arbitri kryesor e cilëson si penallti.
https://streamable.com/grkigx
16′ Vjen goli i parë. Teuta ka kaluar në avantazh përballë Apolonisë. Gol shumë i bukur i Dejvi Bregut, teksa Teuta është gjithnjë e më afër titullit kampion.
https://streamable.com/alkky8
