Kylian Mbappe është “magjistar”. Sulmuesi francez i PSG dhuroi “show” në ndeshjen e djeshme që skuadra e tij fitoi ndaj St. Etien me rezultatin tenistik, 6-1. Kampioni i botës realizoi golin e fundit për PSG-në, që u kualifikua në gjysmëfinale të Kupës së Francës.
Gjithsesi për t’u veçuar është një episod i minutës së 77-të, kur Mbappe tentoi me një finte të shënonte nga jashtë zone. Topi i goditur me forcë shkoi pranë portës.
Nëse do kishte përfunduar në rrjetë, do të ishte një nga golat më të bukur të Mbappe dhe një nga më të veçantët që është realizuar ndonjëherë në një ndeshje futbolli. / abcnews.al
https://twitter.com/Mbappegols/status/1215027554417070086?s=20
