Tirana-Kukësi është një nga ndeshjet më të rëndësishme të javës së 14-të të Superiores. Bardheblutë kërkojnë fitoren e kthesës dhe me shumë mundësi do të luajnë në stadiumin “Selman Stërmasi”, pasi deri të shtunën parashikohet që gjendja e tapetit të jetë më e mira pas mbjelljes.
Nga ana tjetër te Kukësi janë bërë nostalgjikë dhe që në orën 05:49 kanë postuar rastet e ndeshjes së luajtur në prill të këtij viti. Në atë përballje verilindorët triumfuan me dy gola të shënuar nga sulmuesi Vasil Shkurtaj.
Edhe këtë sezon Kukësi e ka mposhtur Tiranën në “Elbasan Arena” me rezultatin 2-1, ndërkohë që do tentojë të bëjë të njëjtën gjë edhe të shtunën në shtëpinë e bardhebluve. /abcbews.al
