Lyon është padiskutim një nga klubet më të mëdha në Francë dhe historia e këtij klubi është shumë e madhe dhe e pasur. Por në këtë sezon, të besuarit e Gourcuff kanë bërë një start të tmerrshëm, duke marrë vetëm 9 pikë në 8 ndeshjet e para.
Edhe në takimin e sotëm përballë Nantes në shtëpi, Lyon është mposhtur me rezultatin 0-1. Në pesë ndeshjet e fundit, Lyon nuk ka marrë asnjë fitore, ku numëron tre barazime dhe dy humbje. Një krizë totale në kampin lionez, që nuk po gjen dot zgjidhje të dalë nga kjo situatë e vështirë.
Depay, Dembele, Traore e shumë yje të tjerë janë lojtarë që kanë kualitet, por skuadra e Lyon duket se nuk po arrin të dalë në lojën e saj. Pas 8 javësh, lionezët renditen në vendin e 11-të, por dhe me shumë ekipe poshtë tyre që kanë një ndeshje më pak, pritet të zbresin edhe më poshtë në tabelë./abcnews.al
Ligue 1, java 8
Lyon – Nantes 0-1
Motoussamy 59′
