Një shqiptar është vënë në pranga nga autoritetet italiane. Ai akuzohet për shpërndarje të lëndëve narkotike.
Shqiptari, 35 vjeç, u arrestua të hënën në periferi të Milanos. Mediat nuk e kanë bërë publik identitetin e tij.
Në momentin e ndalimit, ai kishte një kilogram heroinë në një mikser, ku do të përziente lëndën narkotike.
Më pas, gjatë një kontrolli në banesën e tij u zbuluan 2.5 kilogramë heroinë në total, 6 kilogramë përzierës si dhe 8 mijë euro.
Ai ishte vetëm në momentin e arrestimit. Gjithashtu mediat kanë bërë të ditur se ishte nën vëzhgim që nga Korriku, kur policia intensifikoi kontrollet në zonë.
Atëherë ai nuk u ndalua, për shkak se policia nuk i gjeti drogë me vete./abcnews.al
