Forcat ruse vazhdojnë sulmet intensive në Ukrainë. Sipas një video të publikuar së fundmi, shihet momenti kur trupat pushtues godasin me raketa “Pallatin e Kulturës” të Ukrainës me një raketë që mendohet se është lëshuar nga një bombardues strategjik, sipas Daily Mail.
Sipas ekspertit të mbrojtjes Rob Lee, qendra artistike në rajonin Lozova të Kharkivit besohet të jetë goditur nga një raketë Kh-22 e lëshuar nga një bombardues rus Tu-22M3. Putin ka nisur një ofensivë të re të madhe në lindje të Ukrainës, ndërsa shpreson të shënojë fitore, ndërsa presidenti ukrainas Volodymyr Zelensky kërkon fundin e luftës nëpërmjet diplomacisë.
Nga ana tjetër Putin kërkon të marrë kontrollin e plotë të Luhansk dhe Donetsk. Kjo do të thotë se forcat ruse dhe ukrainase janë të vendosura për një prej betejave më të mëdha të konfliktit deri më tani, ndërsa trupat e Putinit përgatitin një përpjekje tjetër për të kaluar lumin Siverskiy Donets, i cili lidh qytetet vendimtare të Sievierodonetsk dhe Lysychansk, të dyja në Luhansk.
Pamjet e shpërndara në Telegram sot duket se tregojnë momentin kur një Iskander-M rus godet një pozicion ukrainas pranë Petrovskoye, në Kharkiv, në fshatin Vilkhivka, gjithashtu në Kharkiv, dhe në Bakhmut aty pranë, imazhet tregojnë shtëpi të rrafshuara dhe banorë të traumatizuar.
Marrja e provincave të Luhanskut dhe Donetskut, shumica e të cilave përbëjnë rajonin industrial të Donbasit të Ukrainës, do t’i lejonte Moskës të pretendonte një fitore pas deklaratës muajin e kaluar se ky ishte tani objektivi i saj kryesor.
/abcnews.al
