Shpejtësia është kthyer në një problem të madh sigurie në rrugët e vendit duke shkaktuar mjaft të vdekur prej aksidenteve kohët e fundit.
Ndër rrugët më të rrezikshme është segmenti dalës nga Tiranë për në Elbasan ku shpesh të rinj me makina luksoze garojnë me njeri-tjetrin duke shkaktuar jo pak herë edhe tragjedi siç ishte ajo e një jave më parë ku vdiq një 17 vjeçar.
Policia ka vijuar kontrollet mbrëmë në këtë aks duke hequr një numër të madh patentash për shkak të shpejtësisë së lartë. Disa nga makinat janë kapur me 130-150 km/h.
Mes makinave të ndaluara duket të jetë edhe një “Porsche”, shoferit të të cilës i është hequr patenta për disa muaj për shkak të shpejtësisë.
https://www.facebook.com/1502420603377639/videos/492650021334117/
Njoftimi i policisë
Kontrollet e befasishme me radar dhe alkoolmatës të rrugorëve në kryeqytet, në tre orë, konstatojnë dhe pezullojnë 11 leje drejtimi, për shpejtësi mbi normat e lejuara, duke filluar nga 135-150 km/h, në kohë me fluks të plotë trafiku dhe 7 leje drejtimi, për drejtim mjeti nën efektin e alkoolit .
Ndërkohë, vijon kontrolli i rrugorëve të kryeqytetit në ? Tiranë-Elbasan, ku përgjatë intervalit kohor nga ora 20:00 – 23:00 janë verifikuar dhe dokumentuar në shkelje 11 drejtues automjetesh, me shpejtësi mbi normat e lejuara nga 135 km/h – 150 km/h, të cilët pasi janë njohur me ? e radarit dhe me sanksionet ligjore që parashikon Kodi Rrugor, u është pezulluar leja e drejtimit.
Gjithashtu, kontrolle të befasishme dhe me përzgjedhje janë ushtruar edhe për drejtimin e mjeteve pas përdorimit të alkoolit apo në gjendje të dehur, ku gjatë kësaj kohe janë testuar 78 drejtues mjetesh, nga të cilët janë verifikuar nën efektin e alkoolit dhe u është pezulluar leja e drejtimit 7 drejtues automjetesh, si dhe është arrestuar 1 drejtues mjeti në gjendje të dehur.
Përveç rrezikut potencial për t’u përfshirë në ngjarje rrugore me pasoja fatale për jetën, tashmë këta drejtues mjetesh do duhet që për disa muaj të mos drejtojnë automjete, në një kohë kur automjeti për shumicën e tyre mund të jetë domosdoshmëri, por me këto shpejtësi dhe nivele alkooli, rrugëtimi juaj, mund të shkonte edhe më keq ?, ndaj sot falëndero Policinë, nesër reflekto dhe respekto kufizimet e shpejtësisë, mos drejto mjetin pas përdorimit të alkoolit, pasi ??♀do jetë përsëri aty, për të parandaluar dhe rritur sigurinë e të gjithëve.
# ShpejtesiaDheAlkooliVrasinJetë
