PSG fitoi 2-1 përballë Nice është ngjitur përkohësisht në krye të Ligue 1. Kampionët në fuqi hasën vështirësi në fushën e tyre, por ia dolën të merrnin tre pikët.
Julian Draxler zhbllokoi sfidën në mesin e pjesës së parë. Gjermani përfitoi nga një top i kthyer nga shtylla dhe e dërgoi atë në rrjetë.
? Final whistle! @PSG_English climb to the top of the table with a home win over @ogcnice_eng #PSGOGCN pic.twitter.com/bfWRE3NCvg
— Ligue1 English (@Ligue1_ENG) February 13, 2021
Skuadra mike e filloi mirë pjesën e dytë dhe gjeti golin e barazimit në minutën e 50-të. Presing lart i Nice, gafë e mbrojtjes vendase dhe finalizim fantastik i Rony Lopes.
PSG u hodh në sulm në kërkim të golit të fitores dhe e gjeti atë në çerekorëshin e fundit të lojës me anë të Moise Kean, i cili përfitoi nga një asist i Mauro Icardit.
Goli i dhjetë sezonal në kampionat për sulmuesin italian dhe tre pikë të rëndësishme për djemtë e Mauricio Pochettinos, që siguruan suksesin e tretë radhazi në Ligue 1. /abcnews.al
