Një gol, tre pikë dhe Teuta tani fut në presion Vllazninë, Partizanin dhe Laçin. Durrsakët triumfuan me rezultatin 2-0 kundër Skënderbeut dhe fatet e këtij dueli i vendosën Emiljano Vila dhe Erando Karabeci me një perlë.
Me një gol të shënuar pas rreth gjysmë ore lojë mesfushori nuk fali pas një asisti të Dejvi Bregut dhe e çoi topin në rrjetë, ndryshe nga se bëri në minutën e 20-të. Një pjesë e parë e dominuar nga Teuta, por që nuk ia doli të ishte shumë e rrezikshme pranë portës së Dajsinanit.
Pjesa e dytë nis me një rast të mirë shënimi për Skënderbeun. Mara dhe Meksi nuk e gjetën dot golin, kurse më pas mundësinë për t’i mbyllur llogaritë i kishte Lorenco Vila. Sulmuesi anësor u ndal nga një prej lojtarëve kundërshtarë.
Deri në fund Teuta e ruajti epërsinë dhe realizoi edhe të dytin, me një perlë të Karabecit me goditje dënimi. Skënderbeu pëson humbjen e dytë radhazi me Migen Memellin si trajner. Korçarët ndajnë vendin e fundit me Bylisin, kurse durrsakët u ngjitën në vendin e dytë për momentin. /abcnews.al
KATEGORIA SUPERIORE – JAVA 19
E premte, më 12 shkurt, ora 16:00
TEUTA-SKËNDERBEU 2-0
Shënues: E. Vila 32′, Karabeci 94′
TEUTA: Frashëri, Todorovski, Aleksi, Arapi, Kouros, Daja (Karabeci 75′), Avdyli, E. Vila, L. Vila (Kapllani 82′), Bregu, Krasniqi (Gruda 67′). Trajner: Edi Martini
SKËNDERBEU: Dajsinani, Meksi, Bajrami, Vitija, Zguro, Taipi, Dwumfour, Dowuna, Jean Victor (Berisha 46′), Rahim (Mara 46′), Pusi (Tereziu 79′). Trajner: Migen Memelli.
GJYQTARË: Roxhers Muska, Mario Shazivari, Arbër Zalla, Mario Shabanaj
Kartonë të verdhë: Arapi 76′ / Bajrami 61′, 93′ Vitia 69′
Karton i kuq: Bajrami 93′ (2v)
65′ Lorenco Vila kishte mundësinë të realizonte golin e qetësisë për Teutën, por topi ndalet në trupin e një prej futbollistëve të Skënderbeut
50′ Uerdi Mara dhe më pas Jorgo Meksi u munduan të gjejnë portën e Stivi Frashërit, por nuk ia dolën dot edhe pse gjuajtën nga brenda zonës
https://streamable.com/s7z1fn
32′ Emiljano Vila ka ndëshkuar ish-skuadrën e tij. Mesfushori mori një pasim dhe me portën e boshatisur e dërgoi topin në rrjetë, duke e kaluar Teutën në epërsi.
20′ Emiljano Vila pati rastin e parë për Teutën. Mesfushori, i pambuluar në zonë, e goditi topin mbi traun e portës.
10 minuta e para nuk sjellin asnjë rast goli në portat respektive të Teutës dhe Skënderbeut. Iniciativa është e vendasve, por korçarët nuk lënë hapësira
