M’Gladbach-Bayern Munchen nisi sezonin e ri në Bundesliga mbrëmjen e kaluar. Takimi përfundoi në barazim 1-1, ndërsa pak çaste më parë përfunduan pesë ndeshjet e tjera të javës së parë.
What a start into the new #Bundesliga season for @VfB_int and @tsghoffenheimEN! pic.twitter.com/nFFaT5JunM
— Bundesliga English (@Bundesliga_EN) August 14, 2021
Një pikë për Bayer Leverkusen në “start”, që e mbylli në barazim 1-1 takimin në kryeqytet përballë Union Berlin. Hoffenheim arriti një fitore spektakolare 0-4 në fushën e Augsburg.
Stuttgart nuk u përmbajt në fushën e vet kundër Greuther Furth, rival të cilin e mposhti 5-1. Fitore minimale arriti Wolfsburg kundër Bochumit të Rexhbecajt.
“Ujqit” morën tre pikët e para pas suksesit 1-0, që u vulos nga rrjeta e Wout Weghorst në pjesën e parë. Holandezi humbi një penallti, teksa ekipi mik luajti me dhjetë lojtarë që prej minutës së katërt.
Dueli tjetër mes Arminia Bielefeld dhe Freiburg nuk prodhoi asnjë gol, me të dy skuadrat që ndanë nga një pikë në javën e parë të Bundesligas. /abcnews.al
