Një ngjarje e rëndë ka ndodhur në Durrës.
Burime per ABC News raportojnë se janë vrarë me armë zjarri në zonën e quajtur “Nishtulla” Durrës, 2 persona.
Mësohet se viktimat janë ekzektuar brenda një makine tip “Golf” AA 716 DZ. Ngjarja ka ndodhur tek tregu i makinave në Durrës.
ABC News ka siguruar pamje nga vendi i ngjarjes.
Mësohet se fillimisht të shtënat me armë i kanë dëgjuar banorët aty pranë të cilët kanë njoftuar në telefon Policinë.
Burime për ABC News raportojnë se bëhet fjalë për dy vëllezër të cilët kanë mbetur të vrarë.
Siç raporton gazetari Leonidha Musaj për abcnews.al, mësohet se ata kanë qenë duke udhëtuar në kohën kur janë qëlluar me armë zjarri ndërsa autorët janë larguar menjëherë me shpejtësi nga mbikalimi i Shkozetit, drejt Shijakut.
Policia ndërkohë ndodhet në vendngjarje ku ka bërë rrethimin e gjithë zonës ku ka ndodhur vrasja./abcnews.al
