Dy vjet më parë, gazetari Ferdinand Dervishi duke iu referuar fakteve të gjetura në vendin e ngjarjes si edhe të dhënave të tjera nga grupi hetimor doli në përfundimin se Kostantin Katsifas nuk u vra nga RENEA, por ishte vetëvrarë në një moment të rëndë psiqik.
E gjithë kjo është konfirmuar nga ekspertiza e dalë sëfundmi mbi vdekjen e Kastifas, sipas të cilës ai është vetëvrarë me dy plumba nga një breshëri e shkurtër automatiku.
Në dokumentarin e publikuar në tetor 2018, Abc Story theksoi se Kostas Katsifa kishte dy plumba pranë zemrës, të cilët kishin hyrë diagonalisht nga poshtë-sipër (min 0:39).
Ky fakt si edhe detaje të tjera të siguruara nga Abc Story konfirmuan se ai nuk është qëlluar nga RENEA, por ka qëlluar veten.
Vetë pozicionimi i Katsifas përballë të forcave RENEA si edhe mënyra si janë futur plumbat në trupin e tij konfirmojnë.
DOKUMENTARI I ABC STORY
Katsifa humbi jetën në tetor të vitit 2018 teksa mori automatikun duke qëlluar me breshëri në drejtim të policisë. Gjithçka ndodhi teksa në Bularat po festohej Dita e JO-së greke ndaj Italsië fashiste. Pas të shtënave ndaj policisë, në drejtim të Bularatit u nisën Forcat Speciale RENEA, të cilat i kërkuan që të dorëzohej. Por Katsifa qëlloi ndaj vetes në një moment të rëndë psikologjik. /abcnews.al
