Brazili triumfoi 2-1 në finalen e madhe ndaj Spanjës në Lojërat Olimpike të Tokios. Kombëtarja olimpike braziliane, fitoi medaljen e artë pas një ndeshje që zgjati plot 120 minuta.
90 minutat e rregullta u mbyllën në barazim 1-1. Richarlison pati një shans të artë për të kaluar kombëtaren seleçao në avantazh në minutën e 38-të.
Full-time #BRAESP
Brazil ?? 2-1 Spain ??
⚽️ 45′: M. Cunha (1-0)
⚽️ 61′: M. Oyarzabal (1-1)
⚽️ 108′: Malcom (2-1)Brazil takes home the Olympic Gold medal ?? #Tokyo2020 pic.twitter.com/SN8vGjcg1o
— Football Zone (@mrfootytalk_) August 7, 2021
Sulmuesi i Evertonit dështoi nga pika e bardhë e penalltisë, duke e dërguar topin mbi traversë. Brazili nuk u dekurajua dhe kaloi në avantazh në minutat shtesë të pjesës së parë.
Asist i Dani Alves dhe finalizim i Matheus Cunha. Sulmuesi i Hertha Berlin veproi bukur mes dy mbrojtësve spanjollë dhe dërgoi topin në rrjetë me një gjuajtje potente.
Pushimi i bëri mirë kombëtares iberike, që gjeti golin e barazimit në minutën e 61-të. Mikel Oyarzabal shënoi një gol të bukur pas një krosi të marrë nga Carlos Soler.
Ndeshja shkoi në shtesa, aty ku Brazili gjeti golin e fitores në minutën e 108-të. Sulmuesi i Zenit, Malcom u tregua shumë më i shpejtë se Jesus Vallejo dhe realizoi golin vendimtar.
Festë te kombëtarja latine, që siguron medaljen e dytë të artë radhazi pas suksesit të paharrueshëm në Rio 2016 pesë vite më parë. /abcnews.al
