Stafi mjekësor në Vlorë i është nënshtuar këtë të shtunë trajnimit për përballuar rastet e mundshme me koronaviurs. Megjithatë Skënder Brataj, drejtor i Shërbimit të Përgjithshëm të Urgjencave sqaron se në vendin tonë nuk ka rrezik, pasi sipas tij, Shqipëria nuk ka linjë direkte me Kinën, kësisoj udhëtarët kontrollohen në aeroportet e Europës.
“Ne kemi risk të ulët si shtet sepse s’kemi konktakt direkt, kemi linja dytësore dhe filtrimi bëhet në aeroportet e Europës”, tha ai.
Gjithsesi, pavarësisht “shpresës” se vendi ynë nuk rrezikon, mjekët dhe infermeirët po trajnohen në mënyrë që të jenë të përgatitur nëse mbërrin në port një rast i tillë. Po kështu janë pajisur edhe me veshje në rast se kanë dyshime për të infektuaruar me koronavirus. /abcnews.al
