Loading ...Një moment i rrallë dhe magjepsës është regjistruar në brigjet e Himarës, ku një tufë delfinësh ka ofruar një spektakël të vërtetë natyror për turistët dhe vizitorët e zonës.
Pamjet, të filmuara nga një guidë turistike lokale, tregojnë delfinët duke lëvizur në harmoni mbi sipërfaqen e detit, duke krijuar një “show” të pazakontë që ka lënë pa fjalë rreth 10 turistë të pranishëm. Ata shihen teksa ndjekin me entuziazëm çdo lëvizje të kafshëve detare, duke shprehur habi dhe emocion për këtë përjetim të rrallë.
