Janë publikuar pamjet e para të 41 punëtorëvve të bllokuar prej më shumë se një javë në një tunel në Indi. Burrat janë bllokuar që nga 12 nëntori, kur një tunel rrugor 4.5 km në ndërtim u shemb në një autostradë, pjesë e një rruge pelegrinazhi hindu në shtetin Uttarakhand.
Autoritetet thonë se të bllokuarit janë të sigurt dhe kanë akses në dritë, oksigjen, ushqim, ujë dhe ilaçe. Një video prej 30 sekondash e publikuar nga autoritetet tregon rreth 10 nga punëtorët e bllokuar, të veshur me helmeta dhe jelekë.
Një shpëtimtar dëgjohet duke u kërkuar burrave të thonë emrat e tyre në kamerë, një nga një, dhe të konfirmojnë identitetin e tyre. Videoja është realizuar me një kamerë endoskopike, e cila u ul nga shpëtimtarët përmes një tubi me diametër rreth 15 centimetra që u instalua të hënën.
Operacioni, i cili hyri në ditën e tij të dhjetë të martën, ka hasur në disa vonesa dhe pengesa kryesisht për shkak të dheut të lirshëm dhe rrënimit të mbeturinave. Plani është që të hapet një vrimë mjaft e gjerë për të akomoduar një tub 900 mm, të cilin punëtorët mund ta përdorin për të zvarritur nga tuneli.
Megjithatë, të hënën, zyrtarët thanë se ata po përpiqeshin të gërmonin dy tunele të tjera në anën e tunelit kryesor të shpëtimit si rrugë shtesë shpëtimi. Të dielën, ministri federal i Autostradave dhe Rrugëve Nitin Gadkari kishte vizituar vendin dhe tha se operacionet e shpëtimit mund të vazhdojnë edhe për dy deri në tre ditë.
