Mbyllet në barazim 1-1 ndeshja Eintracht Frankfurt-Dortmund. Japonezi Kamada kaloi vendasit në avantazh në minutën e nëntë. Verdhezinjtë reaguan në pjesën e dytë dhe barazuan rezultatin me një eurogol të 18-vjeçarit Giovanni Reyna.
Pa fitues u mbyllën edhe dy ndeshjet e tjera: Freiburg-M’Gladbach dhe Koln-Wolfsburg. Të dy takimet prodhuan të njëjtin rezultat: 2-2. Arminia Bielefeld fitoi 2-1 takimin e mbijetesës me Mainz. Në orën 18:30 luhet edhe supersfida e javës së dhjetë të Bundesligës.
Draws. Draws (nearly) everywhere. #BLMatchday pic.twitter.com/g6SABZr4FB
— Bundesliga English (@Bundesliga_EN) December 5, 2020
Bayern Munchen pret në fushën e vet Leipzig. Një përballje e fortë mes dy ekipeve të para. 22 pikë numërojnë kampionët në fuqi, ndërsa djemtë e Nagelsmann kanë dy pikë më pak. /abcnews.al
