Pesë humbje radhazi dhe Luftëtari erdhi në kohën e duhur për Partizanin, që triumfoi më rezultatin e thellë 8-1. Gjirokastritët, të rënë një kategori më poshtë matematikisht, kapitulluan shumë shpejt, teksa pësuan katër gola që në pjesën e parë.
Protagonist absolut sulmuesi Erald Çinari, i cili hapi takimin, dyfishoi me një goditje mjaft të bukur dhe në fundin e pjesës së parë plotësoi “pokerin”. Më parë kishte shënuar edhe Broja për Partizanin. Edhe Luftëtari e provoi shijen e golit, madje ai që realizoi Gresild Lika nga goditja e dënimit ishte mjaft i bukur.
Me rezultatin 4-1 ekipet iu drejtuan dhomave të zhveshjes. Ritmi në fillimin e pjesës së dytë nuk ishte i duhuri, por Partizani “ndezi” sërish dhe ishte CCinari ai që realizoi golin e katërt personal, si askush tjetër në Superiore këtë sezon.
Dhjetë minuta nga fundi i kohës së rregullt mendoi edhe Dragoshi ta thellonte rezultatin, por duke shënuar në portën e tij. Dy minuta më pas realizoi edhe Brian Brown, kurse në shtesë Cara me penallti, duke vulosur fitoren e Partizanit me rezultatin e thellë 8-1. / abcnews.al
PARTIZANI-LUFTËTARI 8-1
Shënues: Çinari 9’, 17’, 45+2’, 68′, Broja 29’, Dragoshi 79′ (autogol), Brown 81′, Cara 93′ (pen.)/ Lika 37’
PARTIZANI: Teqja, Idrizaj, Belica (Bitri 46′), Boldor, Trashi, Telushi, Broja, Cordeiro (Ferati 61′), Çinari (Brown 75′), Llanaj (Cara 61′), Bardhi (Solomon 46′). Trajner: Adolfo Sormani
LUFTËTARI: Shala, Dragoshi, Lala (Tahiraga 25′), Isufi, Duka, Dushkaj, Hyseni, Çela, Çelaj, Lika, Mehmetllari. Trajner: Neritan Novi
GJYQTARË: Kreshnik Bajramaj, Ani Kociaj, Uran Korra, Roxhers Muska
Kartonë të verdhë: Cordeiro 42’, Boja 60′ / Isufi 13’, Hyseni 32’, 40’; Karton i kuq: Hyseni 40’ (2v)
SHIKO KËTU GOLAT E SHËNUAR NË PJESËN E PARË
MINUTA 69 – Eraldo Çinari i kishte ruajtur golat për Luftëtarin, që e ka ndëshkuar për të pestën herë
79’ – Redon Dragoshi devijon një top në portën e tij dhe Partizanin shkon në kupton e gjashtë golave
81’ – Brian Brown ndëshkon Luftëtarin dhe shënon golin e parë për të në Superiore
