Mesfushori i Barcelonës, Arturo Vidal, është në ditët e tij të fundit në Katalonjë. Kiliani është pothuajse një lojtar i Interit dhe mungon vetëm zyrtarizimi nga klubi zikaltër. Të dy klubet kanë gjetur gjuhën e përbashkët mes tyre dhe kanë rënë dakord për diku te 500,000 mijë euro plus bonuse për kartonin e Vidalit.
Sipas raportimit të “Marca”, 33-vjeçari ka vizituar ditën e sotme qendrën sportive të Barcelonës dhe është përshëndetur me shokët e ekipit, si dhe ka marrë sendet e tij personale. Ai do t’i nënshtrohet testeve mjekësore brenda 48 orëve dhe më pas do të vijë dhe zyrtarizimi i tij.
Kujtojmë që Arturo ka qenë një dëshirë e hershme e Contes, pasi trajneri italian e kërkoi atë që në vitin 2018, kur ai iu bashkua Barcelonës. Tashmë dy ish-juventinët do të jenë sërish bashkë, por këtë herë me Interin. /abcnews.al
