Vetingu në Polici/Xhafaj takon Vlahutin

Ministri i Brendshëm Fatmir Xhafaj priti sot në zyrën e tij shefen e delegacionit të Bashkimit Europian në Tiranë, Romana Vlahutin. Ky takim vjen pas disa operacioneve të suksesshme policore gjatë ditëve të fundit në qytete të ndryshme të vendit, që kanë përfunduar me të arrestuar. Nuk ka njoftim zyrtar për këtë takim, por mësohet se në fokus të diskutimit mes ministrit Xhafaj dhe ambasadores Vlahutin ka qenë vetingu në radhët e policisë. Bëhet e ditur se Ministri i Brendshëm ka marrë mbështetjen e ambasadores Vlahutin për këtë proces./abcnews.al