Kryeministri Edi Rama ka reaguar pas vendimit të Qeverisë së Kosovës, e cila ka kërkuar Agjencisë Kadastrale, që të zbatojë vendimin e Gjykatës Kushtetuese të Kosovës të vitit 2016 për tokën e Manastirit të Deçanit.
Përmes një postimi në rrjetet sociale, Rama shprehet se mbështet qeverinë e Kosovës në lidhje me këtë vendim.
Kreu i qeverisë inkurajon lidershipin e Kosovës që të vazhdojë të punojë me aleatët, për të treguar se Kosova është një partner i rritur i besueshëm i Komunitetit Euro-Atlantik.
“Unë e mbështes plotësisht vendimin e Qeverisë së Republikës së Kosovës për zbatimin e vendimit të Gjykatës Kushtetuese lidhur me Manastirin e Deçanit, më mirë vonë se kurrë. E inkurajoj lidershipin e Kosovës që të vazhdojë të punojë me aleatët tanë të përbashkët kyç për të demonstruar se Republika e Kosovës është me të vërtetë një partner i rritur i besueshëm i Komunitetit Euro-Atlantik”, shkruan Rama në X.
I fully support the better late then ever decision of the Government of the Republic of Kosovo to implement the Constitutional Court decision concerning the Decani Monastery. I encourage Kosovo leadership to continue working with our joint key allies in demonstrating that the…
— Edi Rama (@ediramaal) March 13, 2024
