Loading ...
Kryetari i Bashkisë së Tiranës, Erion Veliaj i kërkon Gjykatës së Posaçme njohjen me aktet e dosjes në ngarkim të tij.
Prej 9 muajsh në burg, Veliaj thotë se nuk është lejuar të lexojë asnjë faqe nga materialet ne ngarkim te tij dhe se USB-ja që i është dorëzuar avokatëve nuk mund të përdoret në burg ku nuk lejohet kompjuteri.
Sipas Veliajt aktet e depozituara në gjykatë nuk përputhen me ato të depozituara në USB nga SPAK.
Për këtë arsye, Ai kërkon një kopje fizike të dosjes dhe thekson se mosvënia në dispozicion e dosjes cenon të drejtën për mbrojtje efektive dhe përbën shkelje të nenit 31 të Kushtetutës dhe nenit 6 të Konventës Europiane të të Drejtave të Njeriut.
Në kërkesë, theksohet se vazhdimi i procedurës pa garantuar këtë të drejtë elementare e bën të pavlefshëm çdo hap dhe e shndërron procesin në një formalitet që cenon drejtësinë.
