Vdekja e kapitenit të Fiorentinës, shtyhen ndeshjet e Serie A

Të gjitha ndeshjet e mbetura që do të luheshin këtë të dielë në Serie A janë shtyrë për shkak të vdekjes së kapitenit të skuadrës së Fiorentinës, Davide Astori.
Fillimisht u vendos që të shtyheshin ndeshjet Udinese-Fiorentina dhe Genoa-Cagliari, meqë Astori ka qenë një lojtar i skudrës së Cagliari-t për një kohë të gjatë.
Por pas një vendimi të komisarit të Ligës, Giovanni Malago, asnjë nga skuadrat e Serie A nuk do të dalë në fushën e blertë sonte.
Kështu që, një nga sfidat kryesore të javës, siç është derbi i Madoninës mes Milanit dhe Interit, që ishte parashikuar për t’u luajtur sonte, do të shtyhet për nje datë tjetër që nuk është caktuar ende./abcnews.al