Loading ...
Komisioneri Evropian Për Zgjerimin Oliver Varhelyi është futur në karantinë pasi një anëtar i ekipit të tij ka rezultuar pozitiv për Covid-19.
Lajmin e ka bërë të ditur vetë Varhelyi me anë të një postimi në Twitter ku informon se është vetizoluar ndërsa pret rezultatet. Bashkë me të, në karantinë janë futur edhe anëtarë të tjerë të ekipit të tij.
Komisioneri shton po ashtu se ndihet mirë dhe se nuk ka simptoma. Testet e bëra javës së shkuar, shton ai, i kanë dalë negativë për virusin.
“Më informuan sot se një anëtar i ekipit tim ka rezultuar pozitiv për Covid-19. Në pritje të rezultatit të testit, unë dhe anëtarët e ekipit tim jemi vetizoluar në përputhje me udhëzimet e shëndetit publik.. Ndihem mirë, nuk kam simptoma, testet e bëra në javën e shkuar ishin negative. Qëndroni të sigurt!”
I was informed today that a member of my team tested positive for #COVID19. Pending new test results, myself&team members concerned are self-isolating in line with public health guidelines&teleworking. I feel well, have no symptoms, my tests in past week were negative. Stay safe!
— Oliver Varhelyi (@OliverVarhelyi) October 11, 2020
