Trajneri i Barcelonës, Ernesto Valverde, foli në konferencë për shtyp para ndeshjes ndaj Interit. Edhe pse ekipi i tij është i kualifikuar, strategu spanjoll pranoi se do të futen në fushë vetëm për të fituar.
“Do të jetë një sfidë delikate. Ne e dimë se jemi kualifikuar, por do të futemi në fushë me të njëjtin qëllim që kemi gjithmonë: të fitojmë! Interi është një ekip i vështirë, e komplikoi shumë ndeshjen e parë në Camp Nou.
Në Itali, presim një sfidë edhe më të luftuar. Pres versionin më të mirë të Interit. Ter Stegen? Nesër do të luajë Neto, kam besim tek ai. Ai është një portier shumë i mirë”, përfundoi Valverde.
Ndërsa mbrojtësi anësor, Junior Firpo, tha: “Nuk do të jetë një ndeshje pa presion për ne, pavarësisht situatës. Ne duam të japim maksimumin dhe të fitojmë çdo ndeshje”./abcnews.al
