Gentian Begeja ishte i pari që u largua nga pankina. Erzeni e shkarkoi pas humbjes që pësuan në Peqin me Shkumbinin. Në vend të tij u emërua Vladimir Gjoni, i cili në ndeshjen e parë në kampionat me shijakasit i shkaktoi një humbje të thellë, 4-0, Burrelit.
Ironia e fatit deshi që Gjoni me këtë triumf të linte matjanët pa trajner. Gentian Stojku nuk është më pjesë e stafit teknik të Burrelit. Ish-sulmuesi nga Elbasani e kishte pasuar kolegun e tij, Gjoni, pas problemeve që pati në verë me drejtuesit e klubit verior.
Kështu drejtuesit e klubit matjan duhet të gjejnë një zgjidhje për pankinën. Nisja e kampionatit për ta nuk ka qenë e duhura, pasi Burreli në katër ndeshje ka fituar vetëm ndaj Dinamos në shtëpi. Në tre sfidat e tjera është mposhtur dhe renditet në vendin e tetë në kampionat. /abcnews.al
