Kryeministri Edi Rama gjatë takimit me strukturat e Partisë Socialiste në Lezhë, deklaroi se në këtë qytet janë bërë punë si asnjëherë më parë.
Rama u shpreh se skuadra e Partisë Socialiste karakterizohet nga ambicia për t’i kthyer fjalët në vepra.
Lexo edhe: Rama takim me strukturat e PS-së në Lezhë: Nuk duhet të kthehemi në vatra infektimi
Gjithashtu ai hodhi poshtë akuzat se vaksinimi masiv po realizohet tani për shkak të fushatës elektorale, duke theksuar se vaksinat anti-Covid nuk ranë nga qielli, por realizimi i marrëveshjes sipas Ramës u arrit falë punës dhe falë këmbënguljes për sigurimin e dozave për të shpëtuar jetët e qytetarëve.
“Dy sfidat me të cilët u përballëm, pandemia dhe tërmeti e kthyen këtë mandat në një mandat të jashtëzakonshëm. Pavarësisht sfidave ne nuk u dorëzuam. Sot na thotë se vaksinimin po e bëjmë për fushatë. Si po e bëjmë? Kur ne jemi vendi që pas një përpjekje të gjatë siguruam vaksinim masiv. Nuk kishim asnjë vaksinë dhe sot bëjmë vaksinim masiv. Përse e bëjmë këtë …se vaksinat na ranë nga qielli apo e bëmë planin që vaksinat të vinin në kohën e fushatës zgjedhore? Jo ne bëjmë sot vaksinim masiv sepse ne dimë të bëjmë detyrën tonë.
Dhe sot ne kemi qenë në disa zona që kanë qenë gangrena të Lezhës dhe që në funksion të rindërtimin po kthen në modele rikualifikimi urban. Kjo ka ardhur vetëm falë punës. Këtu në Lezhë kam mundësinë të bashkëpunoj me një njeri që është i ngjashëm me mua për kokëfortësi që ndonjëherë është problem, por sot vërtet jam shumë krenar për zhvillimin e Lezhës. Ne na karakterizon ambicia dhe përpjekja për t’i bashkuar fjalët me veprat”, tha Rama.
/abcnews.al/
