Loading ...
Vaksina ruse Sputnik kundër Covid-19 është 92 për qind efektive, shkruan Independent.
Njoftimi erdhi pas rezultateve të postuara të hënën nga prodhuesit e vaksinave Pfizer dhe BioNTech, të cilët thanë se vaksina e tyre ishte më shumë se 90 përqind e efektive në parandalimin e Covid-19.
Rezultatet e përkohshme bazohen në të dhënat e marra mes 16,000 pjesëmarrësve gjatë provave klinike.
“Në bazë të të dhënave, vaksina që kemi zhvilluar është shumë efektive,” tha kreu i RDIF Kirill Dmitriev.
Rusia po përgatit vaksinën për përdorim shtëpiak pavarësisht nga fakti se provat në fazën e 3 nuk kanë përfunduar ende. Studimi i fazës së tretë të vaksinës, i zhvilluar nga Instituti Gamaleya, po zhvillohet në 29 klinika në të gjithë Moskën dhe do të përfshijë 40,000 vullnetarë gjithsej.
Shanset për tu infektuar me Covid-19 ishin 92 përqind më të ulëta midis njerëzve të vaksinuar me Sputnik V sesa ata që morën placebo, tha RDIF.
Pas njoftimit se vaksina e Pfizer ka treguar rezultate pozitive, Kremlini lëshoi një deklaratë vijuese në të cilën tha se vaksina e zhvilluar nga Rusia ishte po aq efektive.
“Zhvillimi i një vaksine të dytë po aq efektive është një lajm i mirë për të gjithë”, tha Oksana Drapkina, drejtoreshë e një instituti kërkimor pranë ministrisë ruse të shëndetësisë. s.ba/acbnews.al
