Rusia ka shënjestruar infrastrukturën civile në qytetin juglindor të Zaporizhia për herë të parë që nga fillimi i pushtimit të saj, tha kreu i administratës ushtarake rajonale të Ukrainës, sipas BBC
Oleksandr Starukh tha se forcat ruse kishin goditur një stacion treni dhe një park.
“Mëngjesi nisi me sulme. Raketat goditën stacionin hekurudhor Zaporozhye-2. Sipas të dhënave paraprake, nuk ka të raportuar për viktima. Ndërsa raketa e dytë goditi zonën e kopshtit botanik”.
Starukh tha se sulmet ndodhën kur njerëzit nga qyteti i rrethuar i Mariupolit mbërritën në Zaporizhia.
Më shumë se 3 mijë njerëz përfshirë 772 fëmijë janë larguar deri më tani nga Mariupol.
/abcnews.al
