Ukraina nuk mund të fitojë luftën kundër Rusisë, sipas Viktor Orban, kryeministrit të Hungarisë, i cili konsiderohet të jetë shteti më i afërt i Bashkimit Europian me Moskën.
“Nëse shikojmë provat, mjedisin, faktin që NATO nuk është gati të dërgojë trupa, është e qartë se nuk do të ketë asnjë fitore për ukrainasit e varfër në fushat e betejës,” tha Orban në një intervistë me Bloomberg.
Lufta, tha Orban, mund të ndalet vetëm kur Rusia të bëjë një marrëveshje me SHBA. Dhe ai shprehu shpresën se Donald Trump do të rizgjedhej në zgjedhjet presidenciale të vitit 2024.
Kryeministri hungarez theksoi gjithashtu se Brukseli duhet të arrijë një marrëveshje me Moskën për të ardhmen e sigurisë europiane.
“Sigurisht, ne duhet të bëjmë një marrëveshje me Rusinë për të ardhmen e sigurisë europiane”, tha ai.
/abcnews.al
