Disa qytete greke duket se kanë qenë në zonën e rrëzimit të raketës kineze Long March 5B, e cila ngritur alarmin në disa vende pasi askush nuk e dinte se ku do të binte dhe përfundimisht u shpërbë mbi Paqësor.
Më konkretisht, një “junk” i madh hapësinor kinez me peshë 23 tonë dhe lartësi të një ndërtese 10-katëshe, pjesë e një rakete Long March 5B, po rrotullohej si një ruletë ruse rreth Tokës, por askush nuk e dinte saktësisht se ku do të binte.
Pjesa specifike e raketës u shpërbë mbi Paqësorin Jugor mesditën e së premtes, siç konfirmohet nga Agjencia e Vëzhgimit dhe Monitorimit të Hapësirës së Bashkimit Evropian, duke i dhënë fund shqetësimit që ishte shkaktuar në disa vende.
Në fakt, sipas një dokumenti të cituar nga pelop.gr, në Greqi ka pasur zona që kanë qenë të rrezikuara nga rrëzimi i pjesëve të raketës, edhe pse me një probabilitet të vogël.
“Një raketë hapësinore kineze pritet të hyjë në mënyrë të pakontrolluar në atmosferën e Tokës në orët e ardhshme dhe fragmentet e saj me një probabilitet të vogël mund të bien në rajonet e Peloponezit Verior, Jonit dhe Greqisë Perëndimore”.
Në një komunikim që gazeta “Peloponnisos” pati me komandantin e Ministrisë së 6-të të Mbrojtjes, Yannis Karvelis, ai tha se ajo që rekomandohej ishte vëmendja dhe gatishmëria për ekzistencën e fragmenteve në zonat ku, sipas përllogaritjeve, pjesët e raketës hapësinore do të binin./Abcnews.al/
