Loading ...
Artan Hoxha vendos në lëvizje policinë e shtetit. Tre ditë pasi gazetari investigativ publikoi në Abc News pamjet mes parcelave me kanabis në malësi në kufi me Tropojën, policia e shtetit është ngritur në këmbë duke nisur operacionin për gjetjen dhe asgjësimin e bimëve narkotike.
Abc News mëson se që në orët e para të mëngjesit të sotëm paralelisht me operacionin e kërkimit në zonën e Razmës për dy viktimat Klement Pepaj dhe Vilson Çutaj, është zhvilluar një operacion i madh antidroge me urdhër nga drejtori i përgjithshëm i policisë së shtetit Ardi Veliu dhe nën drejtimin e Albert Dervishajt në terren në zonën e Dukagjinit.
Pikërisht në këtë zonë në Shosh dhe Pult ku Artan Hoxha u shfaq mes parcelave me kanabis, që lulëzonin. Policia ka gjetur 50 parcela me kanabis, pjesa më e madhe e tyre e sapo korrur dhe gati për shitje.
Operacioni, po sipas burimeve nga policia e shtetit do të vazhdojë sërish nesër po në të njëjtën zonë por duke zgjeruar zonën e kërkimit. Gjatë operacionit të ditës së sotme janë përdorur helikopterë dhe dronë.
Në operacion morën pjesë efektivë të policisë Shkodër dhe nga Tirana duke rrethuar zonën./ db/Aabcnews.al
