Vajza e Mbretit të Tajlandës është dërguar me urgjencë në spital pasi u rrëzua nga një sëmundje e zemrës teksa shëtiste qentë e saj.
Princesha Bajrakitiyabha, 44 vjeç, vajza më e madhe e mbretit Vajiralongkorn, u transportua me avion në spital në kryeqytetin tajlandez Bangkok të mërkurën mbrëma.
Pallati e përshkroi gjendjen e saj dje si “të qëndrueshme deri në një farë pike”. Disa raporte kanë sugjeruar se gjendja e saj është shumë më e rëndë se sa po njofto pallati.
Ajo thuhet se ishte duke trajnuar qentë e saj në shtëpinë e saj në verilindje të Bangkok kur u rrëzua të mërkurën.
Mjekët e ndihmës e dërguan me urgjencë në një spital aty pranë përpara se një helikopter ta çonte në institucionin shëndetësor Chulalongkorn të Bangkok.
Ajo shihet gjerësisht si pasardhësja më e përshtatshme për babain e saj, i cili këtë vit mbushi 70 vjeç.
Princesha ka qenë pjesë e rrethit të ngushtë të babait të saj që kur ai erdhi në fron në vitin 2016 dhe është një oficer i lartë në gardën personale të mbretit.
Princesha ka diplomë pasuniversitare për drejtësi nga dy universitete amerikane dhe ka kërkuar prej kohësh reformën e burgjeve në Tajlandë. Ajo ishte gjithashtu ambasadore e Tajlandës në Austri midis 2012 dhe 2014./abcnews.al
