Në planin zyrtar të vizitave të Sekretarit Amerikan të Shtetit Anthony Blinken në Azi dhe Lindjen e Mesme nuk është përfshirë Turqia, pavarësisht raportimit të djeshëm të agjencisë turke të lajmeve Anadolu.
Sipas Anadolu, duke cituar burime diplomatike, Anthony Blinken do të vizitojë Ankaranë më 5 nëntor. Mirëpo, programi i publikuar në faqen e Departamentit Amerikan të Shtetit nuk e konfirmoi lajmin. Konkretisht, në periudhën 2-10 nëntor, Blinken do të vizitojë Izraelin, Jordaninë, Japoninë, Korenë e Jugut dhe Indinë.
Ndryshe nga Blinken, këshilltari i Departamentit të Shtetit Derek Chollet do të vizitojë Ankaranë javën e ardhshme, pasi kishte vizituar më parë Izraelin dhe Jordaninë.
Duhet theksuar se ditët e mëparshme presidenti turk Rexhep Tajip Erdogan kritikoi Anthony Blinken për deklaratat e tij për Lindjen e Mesme dhe mbështetjen e tij për Izraelin.
