Kryeministri Edi Rama ka folur pak ditë para se ish-presidenti i Kosovës, Hashim Thaçi të dalë në gjyq për krime lufte, më 3 prill.
Përmes një postimi në rrjetet sociale, Rama ngriti pyetjen, nëse mund të konsiderohen kriminelë, ata persona të cilët e kanë dërguar vendin e tyre drejt lirisë, kundër regjimeve brutale.
Rama përmendi edhe faktin se dikur, Thaçi është konsideruar nga presidenti amerikan, Joe Biden, si George Washington i Kosovës.
“A duhet të konsiderohen kriminelë ata që e çojnë popullin e tyre drejt lirisë kundër regjimeve brutale? Është një mendim shqetësues, veçanërisht duke pasur parasysh se njeriu në këtë foto dikur u përshëndet si George Washington i Kosovës nga vetë Joe Biden!”, shkroi Rama në Twitter.
Are those who lead their people towards freedom against brutal regimes now to be considered criminals? It’s a concerning thought, especially considering the man in this photo was once hailed as the George Washington of Kosovo by Joe Biden himself! https://t.co/w5sEiAI8Nc
— Edi Rama (@ediramaal) April 1, 2023
