U kap me armë e tritol në makinë/ Urim Meta: Do i çoja në Maqedoninë e Veriut, mora 400 euro paradhënie

Urim Meta i cili u arrestua një ditë më parë nga policia për trafik armësh ka pranuar akuzat që në momentin e arrestimit.

Gjatë dëshmisë së tij ai ka konfirmuar dhe dyshimet e grupit hetimor që armët do të shiteshin në Maqedoninë e Veriut.

Gjatë dëshmisë së tij Urim Meta ka thënë se porosinë e ka marrë nga një ndërmjetës dhe nuk e di se kush është personi që do i merrte në Maqedoninë e Veriut.

“Do i çoja deri atje, paradhënie mora 400 euro dhe pjesën tjetër pasi të dorëzoja armët dhe municionet”, tha thënë ai ndërsa ka theksuar se është përfshirë në trafik armësh pasi kishte nevojë për para./abcnews.al