Loading ...
Florjan Dalladaku I cili vrau nënën dhe plagosi rëndë babain në Lushnje, pas arrestimit nuk ka thënë asnjë fjalë para uniformave blu.
45 vjeçari I thanë burime pranë grupit të hetimit Abc Neës bënte gjeste të pakuptimta, tipike të një personi me probleme të shëndetit mendor.
Ndërsa në automjetin me të cilin autori I vrasjes po arratisej ishte gjetur një çantë me barna antidpresiv të cilat dyshohet se merreshin nga Dalladaku.
Policia thotë se po mbledh dëshmi të të afërmve për të kuptuar nëse bashkëshortët Dalladaku kishin pasur konflikte me të birin.
Banorë të zonës thonë se 45-vjeçari ishte përdorues droge, prej vitesh vuante nga probleme të shëndetit mendor, dy herë ishte shtruar në spital psikiatrik, por pas trajtimit ishte kthyer në shtëpinë e prindërve.
Banorët kujtojnë dhe një episod shqetësues të ndodhur disa muaj më parë, kur Dalladaku qëlloi me armë gjahu në drejtim të dyerve të disa banesave në fshat. Sipas tyre, rasti është regjistruar edhe nga policia.
Sipas banorëve të zonës familja Dalladaku nuk kishte probleme ekonomike dhe 45-vjeçari ka jetuar në Itali me vëllezërit, përpara se të rikthehej në fshat.
Arsyet që çuan Florjan Dalladakun të sulmoi prindërit me sqepar duke lënë të vdekur të ëmën 80 vjeçe dhe të plagosur babanë 77 vjeç mbeten ende të paqarta.
Në momentin kur ndodhi ngjarja mbrëmjen e të hënës në banesë në fshatin Zhym të Lushnjes ishin vetëm prindërit dhe autori.
45 vjeçari u largua nga shtëpia menjëherë pas sulmit, por policia arriti ta arrestojë në Fier në përpjekje për tu arratisur.
E ëma Fanije Dalladaku nuk arriti ti mbijetoi plagëve dhe humbi jetën në banesë ndërsa bashkëshorti Hasan Dalladaku u dërgua në spitalin e traumes ne Tirane ku ndodhet në kujdesin e mjekëve. Bluzat e bardha thone sa ka marre plage ne koke dhe ndodhet ne gjendje te rende shendetesore.
Në familjen Dalladaku janë hapur dyet e mortit ndërsa hetuesit pritet të verifikojnë edhe historikun e trajtimeve dhe episodet e raportuar nga banorët për të kuptuar rrethanat qe çuan 45 vjeçarin të kryej krimin.
