Loading ...
U ekstraduan dje nga Dubai në Shqipëri, Gjykata e Posaçme konfirmon masën e sigurisë “arrest në burg” për Kristo Qirici alias Jetmir Hoxha alias Jetmir Qirici , Aleks Pepaj alias Shkelqim Pepaj, Ilir Lazri alias Ilir Sula dhe Shkëlzen Kraja.
Qirici, është vëllai i Edmond Papës i ekzekutuar në dhjetor të vitit 2022. Ai akuzohet për grup të strukturuar kriminal të trafikut të drogës në zonat e Sarandës gjatë viteve 2019-2021.
Shkëlzen Kraja sërish pjesë e të njëjtit grupit kriminal së bashku me Kristo Qiricin. Në vitin 2024, atij iu sekuestruan disa pasuri me urdhër të SPAK.
Aleks Pepaj alias Shkelqim Pepaj, është pjesë e grupit kriminal të Jetmir Pepës i akuzuar për trafik droge nga Amerika Latine drejt vendeve të Bashkimit Europian.
Ndërsa Ilir Lazri alias Ilir Sula 30 vjeç, i akuzuar për pastrim të produkteve të veprimtarive kriminale/veprës penale, kryer në kuadër të grupit të strukturuar kriminal./abcnews.al
