Turqia ka dyfishuar importin e naftës ruse këtë vit. Kjo sipas të dhënave të publikuara të hënën nga Refinitiv Eikon. Dy vendet janë të vendosura për një bashkëpunim më të gjerë në biznes dhe veçanërisht tregtinë në një kohë kur Moska është vënë në shënjestër të sanksioneve nga Perëndimi.
Tregtia midis Turqisë dhe Rusisë ka lulëzuar që nga pranvera pasi kompanitë turke që nuk u ndaluan të merren me homologët rusë ndërhynë për të mbushur boshllëkun e krijuar nga bizneset e BE-së që largoheshin nga Rusia pas pushtimit të Ukrainës në fillim të këtij viti. Kujtojmë se Rusia i quan veprimet e saj në Ukrainë “një operacion special ushtarak”.
Turqia i rriti importet e naftës nga Rusia, duke përfshirë Urals dhe Siberian Light, përtej 200,000 fuçi në ditë deri më tani këtë vit, krahasuar me vetëm 98,000 bpd për të njëjtën periudhë të 2021, treguan të dhënat e Refinitiv.
Turqia nuk e sanksionoi Rusinë pas nisjes së pushtimit me pretendimin se ajo mbetet e varur nga furnizimet ruse për energji. /abcnews.al/
