PSG është kualifikuar dhe ka siguruar vendin e parë. Nesër pret Galatasaray në shtëpi, ndeshje pa ndonjë rëndësi, ndërsa Thomas Tuchel jep një mesazh të fortë për Kylian Mbappe.
Ylli i ekipit francez nuk e priti mirë zëvendësimin me Choupo-Moting në ndeshjen e fundit kundër Montpellier. Trajneri i PSG-së tregon se ai është “komandanti” dhe vendimet e tij duhen respektuar.
“Kur fiton tituj dhe ke një talent të madh, nuk të pëlqen kur të zëvendësojnë, por vendimet e trajnerit duhen respektuar. Mos të harrojmë lojtarin që futet në lojë, duhet treguar respekt edhe për atë“, thekson trajneri gjerman gjatë konferencës për shtyp. /abcnews.al
