Shumë po flitet për të ardhmen e qëndërmbrojtësit të PSG-së, Tanguy Kouassi. Sipas zërave të merkatos, adoleshenti ka refuzuar kontratën me gjigantët francezë dhe ka pranuar një kalim te Bayern München. Shumë tifozë kanë mbetur të habitur me vendimin e Kouassit, ku një prej tyre është dhe trajneri i francezëve, Thomas Tuchel.
”Nuk është sekret që kam një simpati për Tanguyin. Ai luajti për ne në ndeshjen kundër Dortmundit dhe ia doli mbanë shumë mirë. Është pa kontratë dhe është vetëm 17 vjeç. Kam shumë besim tek ai dhe padyshim që e meriton një të ardhme këtu. Kouassi e di këtë gjë, pasi unë ia kam thënë dhe personalisht”, deklaron Tuchel.
”Nuk mendoj se ishte koha e duhur për t’u larguar, pasi ne kishim besim tek ai dhe po i jepnim minuta. Më vjen keq, sepse ishte një lojtar i rëndësishëm, duke menduar dhe moshën e tij. Thjesht nuk mund ta kuptoj. Është e vështirë për t’i dhënë një shpjegim kësaj situate”, mbyll tekniku i PSG-së. /abcnews.al
