Mbi 2000 trupa që u vendosën në Kazakistan për shkak të trazirave në vend, kanë filluar të tërhiqen. Protestat që zgjatën për disa ditë filluan për shkak të rritjes së çmimit të energjisë duke u shndërruar në protesta të dhunshme dhe shkaktuan dhjetra viktima.
Në një ceremoni që shënon fundin e misionit të CSTO-së, shihen ushtarët e rreshtuar ndërsa dëgjohen himnet e secilit prej gjashtë vendeve anëtare të CSTO-së.
“Operacioni paqeruajtës ka përfunduar dhe detyrat janë përmbushur,” tha gjenerali rus Andrei Serdyukov, komandanti i kontingjentit të CSTO.
Presidenti i Kazakistanit Kassym-Jomart Tokayev tha të mërkurën se forcat ruse dhe aleate “luajtën një rol shumë të rëndësishëm në stabilizimin e situatës në vend” gjatë vizitës së tij të parë në qytetin kryesor të vendit, Almaty.
Qendra financiare prej 1.8 milionë banorësh u shkatërrua gjatë konflikteve midis forcave të sigurisë dhe kundërshtarëve të qeverisë.
/abcnews.al
