Të gjithë liderët e Belgjikës kanë injoruar mbërritjen e presidentit amerikan, Donald Trump. Ata kanë preferuar të ndjekin ndeshjen gjysmëfinale të Kupës së Botës.
Mbrëmjen e së martës, presidenti amerikan, Donald Trump, zbarkoi në Belgjikë, ku qëndron për samitin e NATO-s që zhvillon punimet në Bruksel. Pasi zbriti në bazën ajrore “Melsbroek”, kreu i Shtëpisë së Bardhë nuk është pritur nga liderët e institucioneve belge. Shkaku i këtij veprimi? Atërimi i tij përkoi me gjysmëfinalen e kampionatit botëror të futbollit Francë-Belgjikë.
Mbreti Filip gjendej, bashkë me Mbretëreshën Matilde, në Shën Peterburg për të ndjekur sfidën, e cila u humb 1-0 nga “djajtë e kuq”. Ndërsa kryeministri Charls Michel e ka ndjekur ndeshjen në një “fan zone” në qytezen Braine-le-Comte.
Për të pritur Trump, qeveria belge kishe dërguar një funksionar të ministrisë së Brendshme, duke parë që edhe drejtuesi i dikasterit kishte udhëtuar për në Rusi. Nuk dihet ende se si është pritur nga presidenti amerikan ky injorim nga drejtuesit e lartë. Mbase do të ndikojë në humorin e tij gjatë samitit të NATO-s, ku pritet të përplaset ashpër me vendet anëtare./abcnews.al
