Kandidati republikan për president i SHBA, Donald Trump tha të premten se do të votojë kundër një amendamenti në Florida që do të sanksiononte të drejtën e gruas për një abort në kushtetutën e shtetit dhe do të shfuqizonte ndalimin ekzistues të abortit pas javës së gjashtë të shtatzënisë.
Njoftimi i ish-presidentit erdhi një ditë pas një interviste në NBC News, në të cilën ai dukej se mbështeste masën, një deklaratë që bëri që aktivistët kundër abortit ta kritikonin hapur. Të premten, Trump i tha Fox News se ai ende mendon se ndalimi i abortit nga Florida pas gjashtë javësh është shumë i rreptë.
Aktivistët e abortit që kundërshtojnë fuqimisht amendamentin kanë mbështetur fushatën e Donald Trump përpara zgjedhjeve presidenciale të 5 nëntorit, në të cilat ish-presidenti republikan i SHBA-së do të përballet me zëvendëspresidenten demokrate Kamala Harris.
“Unë mendoj se i duhet më shumë kohë se gjashtë javë,” tha Trump, duke shtuar se ai gjithashtu beson se amendamenti i propozuar është shumë lejues. “Kështu që unë do të votoj kundër saj për këtë arsye”, sqaroi ai.
Trump shpesh krenohet se ndihmoi në përmbysjen – në qershor 2022 – vendimin e Gjykatës së Lartë të SHBA që garantonte të drejtën kushtetuese të grave për abort në nivel federal duke emëruar tre gjyqtarë konservatorë./abcnews.al
