Ndeshja e javës se 14-të në Superiore mes Teutës dhe Skënderbeut sapo është mbyllur. Lorenco Vila ka shënuar në sekondat e fundit të sfidës për t’i dhënë fitoren 1-0 Teutës përballë Skënderbeut.
Ndeshja ishte shumë e luftuar nga të dyja skuadrat dhe mendohej se do të ndanin pikët në “Niko Dovana”, por Vila me një roveshatë të bukur dhe me një devijim të pavullntshëm nga Bruno Dita, mposht gardianin Koliçi.
Ky ishte goli i parë i Vilës në Superiore me fanellën e Teutës dhe një gol shumë i rëndësishëm, pasi i dha tri pikë të arta ekipit durrsak.
Teuta me këtë fitore ngjitet në kuotën e 22 pikëve në vend të pestë, po aq sa ka Laçi një pozitë më lart. Ndërsa Skënderbeu i drejtuar nga Ilir Daja, mbetet në kuotën e 20 pikëve, në vend të shtatë të renditjes./abcnews.al
Kategoria Superiore, java 14
“Niko Dovana”, Durrës
Teuta – Skënderbeu 1-0
L. Vila 90+2’
