Transportonin 8 kg lëndë narkotike, arrestohet i treti i “Thethit” në Shkodër

schedule13:20 - 22 Tetor, 2020

schedule 13:20 - 22 Tetor, 2020

Policia e Shkodrës në kuadër të operacionit “Thethi” ka arrestuar një nga personat e shpallur në kërkim për “trafik të narkotikeve”, duke e çuar në tre numrin e të arrestuarve.

Ai është identifikuar si M.D., 28 vjeç banues në fshatin Shtoj, Shkodër.

Ndalimi i 28-vjeçarit u bë pasi ai ishte shpallur në kërkim, si person i implikuar në ngjarjen e datës 05.10.2020, në fshatin Reç, Malësi e Madhe, ku shtetasit T. K. dhe A. T., të cilët janë arrestuar gjatë operacionit, u kapën duke transportuar 8 kg lëndë narkotike me një mjet tip “Renault”.

Policia po vijon punën, për kapjen e personave të tjerë, të shpallur në kërkim në kuadër të këtij operacioni.

Njoftimi i Policisë:

Vijon operacioni antidrogë “Thethi”. Shkon në tre numri i të arrestuarve.

Kapet dhe ndalohet një nga shtetasit e shpallur në kërkim në kuadër të këtij operacioni.

Shërbimet e Seksionit për Hetimin e Trafiqeve të Paligjshme dhe Narkotikëve në Drejtorinë Vendore të Policisë Shkodër, në vijim të operacionit “Thethi”, i finalizuar rreth dy javë më parë, për goditjen e veprimtarisë kriminale në fushën e kultivimit dhe trafikimit të narkotikëve, në bazë të informacioneve të marra në rrugë operative, kanë kapur dhe ndaluar shtetasin M. D. 28 vjeç, banues në fshatin Shtoj i Vjetër, Shkodër.

Ndalimi i këtij shtetasi u bë pasi ishte shpallur në kërkim si person i implikuar në ngjarjen e datës 05.10.2020, në fshatin Reç, Malësi e Madhe, ku shtetasit T. K. dhe A. T., të cilët janë arrestuar gjatë operacionit, u konstatuan duke transportuar 8 kg lëndë narkotike me një mjet tip “Renault”.

Vijon puna për kapjen dhe ndalimin edhe të shtetasit tjetër të shpallur në kërkim në kuadër të këtij operacioni.

Materialet iu referuan Prokurorisë së Rrethit Gjyqësor Shkodër për veprën penale “Prodhimi dhe shitja e narkotikëve”.

n.d./abcnews.al