Manuel Neuer dhe Bayern Munchen nuk po arrijnë të gjejnë akordin për rinovimin e kontratës. Kapiteni del lojtar i lirë në fund të sezonit të ardhshëm dhe kampionët e Gjermanisë nuk duan ta humbasin me parametra zero. Portieri 34-vjeçar u tregua optimist në një deklaratë të pak ditëve më parë.
Neuer deklaroi se bisedimet janë në rrugë të mbarë dhe mohoi lajmet që kishin dalë në media. Rreth situatës së krijuar ka reaguar edhe Hans-Dieter Flick. Trajneri i Bayern Munchen ka konfirmuar besimin e madh kundrejt Neuer, të cilin e vlerëson jashtë mase në një prononcim për Kicker dhe e cilëson si portierin titullar.
LEXO EDHE: Neuer: Abuzime me shifrat, utopike t’i kërkosh klubit aq shumë
“Është e qartë se Manuel është numri një i joni, asgjë nuk do të ndryshojë. Nubel e di këtë, sikurse e di që besimi ynë nuk do i mungojë. Duam që të përmirësohet, por gjithçka do varet nga performancat e tij”, deklaron Flick në lidhje me ardhjen e 22-vjeçarit Alexander Nubel nga Schalke në fund të këtij sezoni. /abcnews.al
