ABCNews ka zbardhur dosjen e të përgjimeve të Sky ECC, që çoi në pranga ish drejtorin e Policisë Tiranë, Erzen Breçani.
Në dosje theksohet se djali i Erzen Breçanit, Eralbi Breçani i shpallur në kërkim nga policia, ka bashkëpunuar me Ismail Zenelin dhe Besmir Muratin (i arrestuar) për trafikimin e një sasie kokaine nga Amerika e Jugut drejt Holandës.
Në biseda mes tyre ata janë të interesuar për sasinë e kokainës që dalë nga porti i Roterdamit dhe në bisedë e shprehin si humbje faktin që një pjesë e kokainës është sekuestruar. Bisedat janë zhvilluar nga data 09.11.2020 deri në 04.02.2021.
Sipas gjykatës ekziston dyshimi i arsyeshme bashkuar edhe në prova se Ismail Zeneli, Besmir Murati dhe Erlabi Breçani në bashkëpunim me përdoruesin D..P (I paidentifikuar), kanë kryer veprën penale të trafikimit të lëndëve narkotike, për të cilën dyshohen.
Në dosje theksohet se ata kanë bashkëpunuar me njëri tjetrin edhe për një rast tjetër të trafikut të lëndëve narkotike nga Amerika Latinë në Portin e Valencias në Spanjë.
Bisedat janë zhvilluar nga bashkëpunëtorët gjatë periudhës 06.01.2021 deri më 19.02.2021.
